استوحشتك الدروب وصمتك ظلالك
والا انت ما استوحشت خطواتك نحولك

لا تلتفت .. وانت مهما تمشي لحالك
تمشي لحالك مع إن الناس من حولك

هذا الضيا وش هو الا ليلك الحالك
هذا التعب ما هو الا أول فصولك

من خلف الايام جيت بــ حزن موالك
يسابقك فـــ الدروب ويعلن ذبولك

ما عاد تشبهك , صرت ابعد عن آمالك
بسمتك غابت , نبت في وجهك ذهولك

تمر بك ذكرياتك , وأنت في بالك
إن أمسك اليوم , وإن اليوم مجهولك

وإنك مثل ما أنت حريتك فـــ اغلالك
قيّدت حلمك ! غدا الأثقل من حمولك

ما عاد لك غيرك اصحابك وعذالك
هم كلهم أنت ! من رحلتك لــ وصولك

تقرب من اللا نهاية لين يبقى لك
تنهيدة تخنقك من عرضك لــ طولك

تدري من اللي قتلك .. ومات قتّالك
تجهل من اللي قتلت ! وعاش مقتولك

تبني حياتك إذا انك تهدم أطلالك
وتعيش باقي سنينك صمتك يقولك !

من بعد ما كان صمتك يرسم ظلالك
خطواتك اليوم ما تتحمل نحولك